Igosipụta nkwatu ọchịchị nke gara nke ọma n'Afrịka n'ime afọ iri asaa

Ọlọrọ ọhụrụ

Afrịka ahụtala nkwatu ọchịchị asatọ gara nke ọma n'ime afọ atọ. Ọnọdụ nkwatu ọchịchị a na-esochi oge nkwatu ọchịchị ndịagha gbaturu ala n'ime afọ iri abụọ rute 2020, dịka ọ gbagochara n'ime afọ ndị 1970.

Ọrụ nke ndụ

Ụfọdụ ndị ndu jichiri ọchịchị chịrị ọtụtụ afọ ebe anapụrụ ndị ọzọ ikikere ọchịchị ahụ n'ime ụbọchị ole na ole ha weghaara gọọmenti.

Mpaghara akwaturu ọchịchị

Ọtụtụ obodo ndị e nwere na mpaghara Sahel ahụtala nkwatu ọchịchị ndịagha. Nkwatu ọchịchị ndị mere na nso nso a na mpaghara ahụ a maara dịka mpaghara nkwatu ọchịchị mere na Nijie na Gabọn n'afọ 2023.

Ndị ọchịchị ndịagha jichikwara ọchịchị na Mali n'ime afọ 2020 na 2021 ebe nke Chad, Ginii na Sụdan mere n'afọ 2021. Bọkịna Faso hụtakwara nkwatu ọchịịchị abụọ n'afọ 2022. Mba niile ndị a ewezuga Sụdan bụcha ndị nọbu n'okpuruọchịchị Fransị.

Kemgbe 2000, ọkara atọ (19 n'ime 26) nke nkwatu ọchịchị ndị gara nke ọma n'Afrịka mechara na mba ndị nọbu n'okpuru ọchịchị Fransị. Nke a emeela ka ụfọdụ jụọ ajụjụ ma mmetụta Fransị ọ na-akụsasị Afrịka.

Ọtụtụ mba n'Ọdịda anyanwụ na Etiti Afrịka enweela ọtụtụ nkwatu ọchịchị gara nke ọma. Ihe ruru ọkara mba 17 ndị opekatampe nkwatu ọchịchị anọ ha gara nke ọma dịcha n'Ọdịda anyanwụ Afrịka.

Bọkịna Faso enweela ọnụọgụ nkwatu ọchịchị kachasị gaa nke ọma n'Afrịka dịka ha mere ya ugboro asatọ ebe Sierra Leone na Yuganda na-esote site n'inweta asaa n'otu n'otu.

Ọ bụ naanị ọkara atọ na mba Afrịka tụmadị n'Ọwụwa Anyanwụ na Ndịda Afrịka bụ ndị na-ahụtabeghị nkwatu ọchịchị gara nke ọma.

N'afọ 34, Ibrahim Traoré bụ onyeisiala kachasị obere n'ụwa. Ọ malitere ịbụ onyeisiala nchereoge Bọkịna Faso n'isochi nkwatu ọchịchị ndịagha mere n'abalị 30 Septemba 2022 bụ nke wezugara onyeisiala nchereoge n'oge ahụ bụ Paul-Henri Sandaogo Damiba.

Mweghara ọchịchị ndịagha

Ihe fọdụrụ obere ka o ruo pasenti 90 nke nkwatu ọchịchị ndị ahụ gara nke ọma bụ nke ndịagha mere ebe nke ndị omekoome na-esote ya bụ nke dị pasenti 4. Nkwatu ọchịchị ndị ọzọ e mere n'Afrịka gụnyere nke ndị ekweghị, ọchịchị ndị nkụchi, ndịagha isi ekweghị ọnwụ na nke ndị ọchịchị.

Ogbu mma ga-ala na mma

Ọtụtụ ndị ndu banyere n'ọchịchị site na nkwatu ọchịchị bụ ndị e mechara chụpụ maọbụ gbuo mgbe ụfọdụ.