ኒሎፋር ባያኒ , ኢራን

ክኢላ ስነ ኣከባቢ

ኒሎፋር ባያኒ ፡ ሓንቲ ካብቶም ኣብ 2018 ኣብ ሓደጋ ዝርከቡ ኣግራብ ንምክትታል ካሜራ ገይርኩም ተባሂሎም ብመንግስቲ ኢራን ዝኣሰሩ ተጣበቕቲ ስነ ኣከባቢ'ያ። መንግስቲ በቲ ዕቃበ ኣግራብ ኣመሳሚስኩም ስትራተጂካውን ተኣፋፊ ቦታታትን ትስልዩ ነይርኩም ኢሉ'ዩ ኣሲርዎም። ኒሎፋር ባያኒ ኸኣ ንዓሰርተ ዓመት ክትእሰር ተፈሪዳ።

ኒሎፋር ባያኒ ናይቶም ኣበ ፐሪሻ ዝርከቡ ኣናብር ንኸይጠፍኡ ንምክንኻን ዝተመስርተ ትካል ግብረ ሰናይ 'ፐሪሽያን ዋይልድላይፍ ሀሪተጅ' ማናጀር'ያ። ኣብቲ ብቢቢሲ ፐሪሽያ ብዛዕባኣ ዝተዳለወ መደብ ኸኣ ሰብ መዚ ኢራን ን1200 ሰዓታት ኣብ ልዕኢኣ ኣካላውን ኣእምሮኣውን ምስርጣይ ዝርከቦ ክሳብ ጾታዊ ምፍርራሕ ገበናት ከምዝፈጸሙ ኣቃሊዓ። ሰብ መዚ ኢራን ነዚ ክሲ እዚ ኣብ ግዚኡ ነጺጎሞ'ዮም።

ኢሪካ ሊርያኖ , ሪፓብሊክ ዶሞኒካ

ወናኒት ኮኮዋ

ኤሪካ ሊሪያኖ ነቲ ዘሎ ናይ ኣገባብ ቀረብ ካካዎ ዳግመ ግምት ንክግበረሉ ኣብ ዶመኒካዊት ሪፓብሊክ ኰይና ክፍሊት መኽሰብ ዜመጣጥን ንግዲ ዘበገሰት ሰብ’ያ። ሊርያኖ ንካካዎ ምፍራይን ምዝርጋሕን ፍትሓውን ቀጻልን ንምግባር ምስ ጃኔት ሓብታ ሓቢራ ‘ኢናሩ’ (INARU) ዝበሃል ኩባንያ መስረተት። ትካለን ኣብዛ ዓመት’ዚኣ እቲ ንመጀመርታ ጊዜ ዝጀመርኦ ናይ ዘርኢ ወፈያ ረኸበ።

ዝጸንሐ ጸብጻብ ከም ዚሕብሮ ኢንዱስትሪ ካካዎ ነቶም ንኣሽቱ ሓረስቶት ይምዝምዞም’ኳ እንተሎ ‘ኢናሩ’ ግን ነቶም ኣብ ዶመኒካን ዝርከቡ ኣፍረይቲ ስነ-ምግባራዊ መምርሕን ፍትሓዊ ደሞዝን ከም ዝኽፈሎም የረጋግጽ። እዘን ኣሓት’ዚኣተን ኣብ ኒው ዮርክ እየን ተወሊደን፣ ኣብ ዶመኒካዊት ሪፓብሊክ ካብ ሓረስቶትን ነጋዶን ስድራ-ቤት እየን መጺኣን። ኣብዚ እዋን’ዚ ምስ’ተን ኣብ ምልእቲ እታ ሃገር ዚርከባ ደቂ ኣንስትዮ ዚመርሓኦ ሕርሻታትን ኣቕረብትን ይተሓባበራ ኣለዉ።

ናይ ገዛእ ርእስኻ መገዲ ምምሃዝን ናይ ባዕልኻ ዉሳኔ ምውሳድን መሰል ደቅሰብ’ዩ፣ ናይ ምውሳን ሓይሊ ኵሎም ደቅሰብ ኰይኑ ድማ ንመሰል ደቂ’ንስትዮ ኣብ ግምትብምእታው እንታይ ዓይነት ህይወት ክመርሓ ናተን ዉሳኔ ምዃኑ የረጋግጽ።

ኢሪካ ሊርያኖ

ኣሶነል , ደቡብ ኣፍሪቃ

ክኪላ ተክኔሎጂ

ኣሶነል ኮቱ ናይ ገዛእ ርእሳ መከላኸሊ ጥንሲ ኸተወግድ ምስ ደለየት’ያ እቲ ሓሳብ ንግዳዊ ንጥፈታታ እተወልደ፣ እንተዀነ ግን ዝሕግዛ ሰብ ክትረክብ ኣይከኣለትን። ድሕር’ዚ ጸገምዚ’ያ ‘ፈም-ኮነክት’ ዝበሃል ትካል ዝመስረተት። እታ ትካል ንጽግያት እትከታተልን ኣብ ዕድመ ኰተቴ ዜጋጥም ጥንሲ ንምንካይ ቴክኖሎጂካዊ ፍታሕ እተቕርብ’ያ።

‘ፈም-ኮነክት’ ተጠቐምቲ ብዘይ ገለ ኣድልዎን ስክፍታን ብኢንተርነት ዝቐርብ ወሲባውን ተዋልዶን ምኽሪ ዝልግስ ኰይኑ፡ ብተወሳኺ ድማ ንንጽሃት-ደቂ ኣንስትዮ ዘገልግል ፍርያትን መከላኸሊ ጥንሲን ብቑዕ ሓበሬታ ዘቕርብ ትካል’ዩ። እዚ ልክዕ ከምቲ ዝዀነ ሰብ ብመስመር ኮምፕዩተር (online) ኣቢሉ መግቢ ንምእዛዝ እንጥቀመሉ ስሉጥ ኣፕሊከሽን ይመስል። ኮቱ ንናይ ጽግያት ጸገማት ንምጥፋእን ዝሓሸ ክንክን ጥዕና ንምቕራብን ሓያል ባህጊ ኣለዋ፣ ብፍላይ ነተን ኣብ ሓደገኛ ዅነታት ዝርከባ፡ ከምኡ’ውን ነተን ኣብ ወሰናስን ሕብረተሰብ ዘለዋ ብቑዕ ኣገልግሎት ዘይረኽባ መናእሰይ ንምሕጋዝ ዝዓለመ ትካል’ዩ።

መንእሰያት ንጸገማት ፍታሕ ኪፈጥሩ ህርድግ ክብሉ ምርኣይ ባህ ዜብል’ዩ። እቲ ዚቕጽል ወለዶ ከምቲ ወለድና ዘሕለፍዎ ዓይነት ቃልሲ ኸየጋጥሞምን ብቈራጽነት ክገጥምዎ ምርኣይ ብሓቂ ባህ ዜብል’ዩ።

ኣሶነል