ማራቶን መርሃጺ እዩ፡ ስለዚ ብፈሳሲ ንጀምር። ኣብ ኬንያ ኮንካ ኸኣ ሻሂ ቀዳማይ ሕርያ'ዩ። ኣብዚ ሻሂ ቁሩብ ሽኮር ምውሳኽ ጎየይትና ኣብ መጀመርታ ውድድር መሪሖም ንኽወጽኡ ከኽእሎም'ዩ።

ሽኮራዊ ሻሂ ብዙሓት ኬንያውያን ጎየይቲ ዝመርጽዎ'ዩ። ሓደ መጽናዕቲ ከምዘርእዮ፡ ሓደ ሕምሲት ካብቲ ካብ መግቦም ዝረኽብዎ ካርቦሃድሬት ካብ ሽኮር'ዮም ዝረኽብዎ።

እቲ ዘገርም፡ ገለ ጎየይቲ ኣብ እዋን ልምምድ ልዕሊ ማይ ሻሂ'ዮም ዝሰትዩ፡ ነዚ ውድድር ብሓሙሽተ ኩባያ ሻሂ እስኪ ንጀምሮ፡ 450 ኪሎ ካሎሪ ማለት'ዩ።

15 ማንካ ሽኮር ብዙሕ ክመስል ይኽእል'ዩ ግን ነዊኦሕ መንግዲ እዩ ዘለና

ንኣትለታትና ደልዱል መግቢ ንህበሉ ግዜ

ቀዳማይ ጽቡቕ ምርጫ ኡጋሊ'ዩ፡ ኡጋሊ ኣብ ምብራቅ ኣፍሪቃ ዝውቱር ካብ ዕፉን ዝስራሕ ግዓት'ዩ።

ቀሊል መግቢ ክመስል ይኽእል'ዩ፡ ኡጋሊ ግን ነቶም ነዊሕ ዝጎዩ ኬንያውያን ኣትሌታት እኹል ጽዓት እዩ ዝህቦም፡ ካብቲ ዘድልዮም ካሎሪ ዳርጋ እቲ ርብዒ ካብ ኡጋሊ'ዮም ዝረኽብዎ።

ኣብ ቶክዮ ክጣበቡ ኣለዎም። ብሪጊድ "እቲ ኣብ ኬንያ ንረኽቦ ኡጋሊ ኣብ ካልኦት ሃገራት የለን፡ ምናልባት ሩዝ፤ስፓጌቲ ወይ ኸኣ ስጋ ደርሆን ዓሳን ኢና ክንምገብ ንኽእል"ትብል።

እስኪ ናብቲ ቀዳማይ ምርጫ ዝኾነ መግቢ ንመለስ፡ ሓደ ጠለብ እኹል ኣይኮነን ንወስኽ።

ኡጋሊ ጽቡቕ እዩ፡ እንተኾነ እቲ ዘድልየና ጸዓት ገና ኣየዋህለልናን ዘለና።

መቸም ግዓት ኡጋሊ ንበይኑ ክንበልዖ ኣይንኽእልን ኢና፡ እንታይ መባልዕቲ ኣለዎ ክንርኢ ኢና።

ስጋ ብጠኑ ሓጋዚ'ዩ፡ እንተኾነ ሕጂ ኢና ስጉምና ንጅምር ዘለና።

ስጋ ጽቡቕ ትሕስቶ ፕሮቲን'ዩ ዘለዎ፡ ብዙሓት ነኬንያውያን ኣትሌታት ኸኣ ንፕሮቲን ካብ ጸባን ኣዳጉራን እዮም ክረኽብዎ ዝመርጹ፡ ስለዚ እዚ'ውን ኣብ ግምት ነእትዎ።

ጸባ ወሳኒ'ዩ ኬንያውያን ቻይ ያ ታንጋዊዚ'ዮም ዝብልዎ ። ጅንጅብልን ተወሳኺ ቀምንን ዝኣተዎ ሕዋስ ሻህን ጸባን'ዩ፡ ክልተ ኩባያ ኸኣ 320 ኪሎ ካሎሪ ኣለዎ።

ኢሎድ ካልእ ፈሳሲ'ውን ይወስድ'ዩ፡ "ሙሰርሲክ፤ ተመስረሐ ጸባ'ዩ፡ ነዚ እንተሰቲኻ ስርዓተ ምሕቓቕ መግቢ ቅልጡፍ'ዩ ዝኸውን" ከኣ ይብል።

ኣዳጉራ ምስ ኡጋሊ መኻይድቲ'ዮም፡ ኣዳጉራ መጠን ካሎሪ ክብ ኣብ ምባል ዓቢ ግደ'ዩ ዘለዎ፡ ሓደ ጠለብ ኸኣ ክሳብ 129 ኪሎካሎሪ ኣለዎ። እቲ ዘገርም ገና ክንድቲ ዘድልየና ካሎሪ ኣይወሰድናን ኣለና፡ ድንሽ ወስኽ።

ኬንያውያን ጎየይቲ ብዙሕ ሩዝ፤ድንሽን ባንን'ዮም ዝበልዑ ነይሮም። ብገምጋም ርብዒ ካብቲ ዘድልዮም ካሎሪን መሰለስ ካብቲ ዘድልዮም ካርቦሃይድሬትስን ካብዚ ሕውስዋስ እዚ'ዮም ዝረኽብዎ ነይሮም።

ስለዚ ክልተ ጠለብ ሩዝን ሓደ ጠለብ ዝበሰለ ምቁር ድንሽን እንታይ ጸዓት ከምእንረክብ ንርአ

እዚ ንደቂ ኣንስትዩ ጎየይቲ ማራቶን እኹል ጸዓት ንኽረኽባ እኹል ድዩ?እወ

ብሪጊድ ኣብ 2019 ንማራቶን ቺካጎ ክትዕወት እንከላ ኣብቲ ውድድር ብገምጋም 1666 ኪሎ ካሎሪ'ያ ኣህሊኻ

ዝያዳ ንምርድኡ፡ኣብ ንቡር ግዜ ሓንቲ ጓል ኣንስተይቲ ኣብ ምሉእ መዓልቲ እተህልኾ ካሎሪ ኣብ ውሽጢ 2 ሰዓትን 14 ደቒቅን ኣህሊኻቶ ኢና ንብል ዘለና።

ሕጂ ምልስ ኢልና ናብ ኢሉድ ኪፕቾገ ንኺድ። ንሱ ብሚዛን ካብ ብሪጊድ ይኸብድ ኣብ ጉያ ኸኣ ንሱ ይቕልጥፍ፡ ስለዚ ዝያዳ ብሪጊድ'ዩ ጸዓት ከድልዮ።

ካብዚ ብምብጋስ ካብዚ ዝጠቐስናዩ መግቢ ብተወሳኺ፡ እንቋቆሖ፤ካውሎን ኣህምልትን ይምገብ።

ኢሉድ ኪፕቾገ፡ ብኽልተ ዝበሰለ እንቋቆሖን ዝተሓዋወሰ ኣሕምልትን ተወሳኺ 260 ኪሎካሎሪ ይረክብ ኣሎ።

እቲ መሳጢ ነገር እቲ ኣብ ገደናታት ዝፈሪ ከም ቆስጣን ሓምሊ ኣድርን ምስ ቀመም ተሓዋዊሱ'ዩ ቀሪቡ ዘሎ።

እቲ ካልእ ብኬንያውያን ስኩማ ተባሂሉ ዝጽዋዕ ኣብ ሃገራት ምብረቕ ኣፍሪቃ ዝውቱር ዝኮነ ሓምሊ'ዩ።

ብሪጊድ ምስ ቢቢሲ ኣብ ዝገበረቶ ቃለ መሕትት"ኣሕምልቲ ኣይንገዝኦን ኢና፡ መሬትና ልሙዕ ስለዝኾነ ኣብዚ ኢና ነፍርዮ፡ ነቲ መሬት ንምልማዕ ኸኣ ዝኾነ ከሚካል ኣይንጥቀምን ኢና" ኢላ።

ሕጂ ኣብ ምዝዛምና እዩ፡ ሕጂ ቁሩብ ሓይሊ ድርብ ዘብለልናን ናብ መወዳእታ ሕንጻጽ ዘብጽሓናን ጥራይ ኢና ክንውስኽ።

ከም ኩሉ ሰብ ጎየይቲ'ውን ቁርሲ ይደልዩ'ዮም፡ መብዛሕትኡ ግዜ ኸኣ ፍረታት እዮም ዝመርጹ

ብሪጊድ "ዝተፈላለዩ ፍረታት'የ ዝፈቱ" ድሕሪ ምባል "ሎሚ ባናና፡ ጽባሕ ብርጭቅ፡ ካልእ ግዜ ኣራንሺ፡ ብድሕሪኡ ዘሎ መዓልቲ ማንጎ" ትብል።

ልስሉስ መስተ ኣዝያ ከምእትፈቱ'ውን ተናዚዛ

ንሕጂ ናብቲ ጥዕና ዝህብ ነብል፡ ሓንቲ ባናና 100 ኪሎካሎሪ'ዩ ዘለዋ

ኢሉድ ኪፕቾገ ኣብ 2018 ናይ ዓለም ሪኮርድ ኣብ ዝሓዘሉ ብሓፈሻ 2322 ኪሎ ካሎሪ'ዩ ኣህሊኹ

ሓደ እኹል ሰብ ኣብ ምሉእ መዓልቲ ብማእከላይ ገምጋም 2500 ኪሎ ካሎሪ'ዩ ዘህልኽ ኢሉድ ኪፕቾገ ግን ነዚ ኹሉ ኣብ 2 ሰዓት 1 ዲቀቕን 39 ካልኢትን ኣህሊኽዎ።

ኢሉድ ኪፕቾገ ዘህልኾ ካርቦሃድረይትን ካሎሪን ኣብዚ ክትርኢ ትኽእል

ኢሉድን ኪፕቾገን ብሪጊድ ኮሰጋይን ኣብቲ ዝዓበየ መድረኽ መራቶን ኦሎምፒክ ቶክዮ 2020 ክወዳደሩ'ዮም።

ኣብ ዝሓለፈ ዓመታት ንማራቶን ኣትሌታት ምብራቕ ኣፍሪቃ እዮም ዓብሊለሞ ዘለዉ፡ ጎኒ ጎኒ እቲ ኣመጋግባ ጆኦግራፊካዊ ብራኸ'ውን ሓደ ካብ ሮቋሒታት ዓወቶም ተባሂሉ'ዩ ዝጥቀስ።

ኢሉድ፡ ዝተመጣጠነ መግቢ ወሳኒ ምኳኑ'ዩ ሓቢርና "ኣትሌት ልክዕ ከም ሓደ ሰራሕተኛ ናይ ህንጻ'ዩ፡ ሰራሕተኛ ህንጻ ስሚንቶን ሑጻን ንኸብዕጥ ጉልበቱን ኢዱን'ዩ ዝጥቐም፡ ንሕና'ውን ልክዕ ከምኡ ኢና፡ ጉልበትና ኢና ንጥቀም፡ ስለዚ ጉልበት ንኽህለወካ መግቢ ወሳኒ'ዩ"

ኣትሌታት ኣመጋግብኦም ብሳይንስ ዝተደገፈ እዩ ኮይኑ ዘሎ፡ ዘድልዮም መጠን ካርቦሃይድረይት፡ ፕሮቲንን ካሎሪንን ካብ ምንታይ ይረኽብዎ ይፈልጡ'ዮም፡ ከምዚ ዝርኣናዮ ኸኣ ቀሊል፡ባህርያዊ መግብን ዘይተሓላላኸን እዩ።